கோவில் 1085 - சென்னை புது பெருங்களத்தூர் பச்சைமலை முருகன் கோவில்

 🙏🏻🙏🏻

தினம் ஒரு முருகன் ஆலயம்-1085

வாழ்வில் வளமருளும் சென்னை புது பெருங்களத்தூர் பச்சைமலை முருகன் கோவில்

28.5.2024 செவ்வாய்

அருள்மிகு பச்சைமலை முருகன் திருக்கோவில்

சதாநாதபுரம் (Sadhanathapuram)

புது பெருங்களத்தூர்

சென்னை-600063

இருப்பிடம்: தாம்பரம் 5 கிமீ

மூலவர்: முருகன்

தேவியர்: வள்ளி தெய்வானை

தல மகிமை:

சென்னை மாநகரத்தின் முக்கிய பகுதியான தாம்பரம் நகரிலிருந்து 5 கிமீ தொலைவில் உள்ள புது பெருங்களத்தூர் பகுதியில் இருக்கும் சதாநாதபுரத்தில் (Sadhanathapuram) உள்ள ஒரு சிறிய மலையின் மேல் வாழ்வில் எல்லா வளங்களுமருளும் பச்சைமலை முருகன் கோவில் கோவில் உள்ளது. வண்டலூர் உயிரியல் பூங்கா அருகில் இருப்பது சிறப்பு. இக்கோவிலில் உள்ள சக்தி மிக்க பச்சைமலை முருகப்பெருமான் வள்ளி, தெய்வானை சமேதராக காட்சியருள்கின்றார். இக்கோவிலுக்கு மலை ஏறி செல்ல (சுமார் 500 மீ) படிக்கட்டுகள் இல்லாததால், மூத்த குடிமக்கள், குழந்தைகள், உடல் நலம் சரியில்லாதவர்கள் செல்வது உசிதமல்ல.

இக்கோவிலில் தைப்பூசம் திருவிழா மிகவும் விமரிசையாகக் கொண்டாடப்படுகிறது. ஒவ்வொரு மாதமும் கார்த்திகை திருநாளில் விசேஷ பூஜைகள் நடக்கின்றன. இக்கோவிலுக்கு வந்து முருகப்பெருமானை வழிபடுவோருக்கு நேர்மறை அதிர்வுகள் உண்டாகின்றன (Positive Vibration).

தல வரலாறு:

இக்கோவில் மிகவும் பழமையான கோவிலாக கருதப்படுகிறது.

தல அமைப்பு:

பச்சைமலை கோவில் கருவறையில் முருகன் பொலிவான திருக்கோலத்தில் வள்ளி, தெய்வானையுடன் நின்ற நிலையில் வீற்றிருந்து பக்தர்களுக்கு அருள்பாலிக்கின்றார். எதிரில் மயில், பீடம் உள்ளன. மேலும் ஆற்றல் மிகுந்த சுயம்பு விநாயகர், சுயம்புலிங்கம் வீற்றிருந்து அருள்பாலிக்கின்றனர்.

திருவிழா:

தைப்பூசம், பங்குனி உத்திரம், கந்த சஷ்டி, கார்த்திகை, சஷ்டி

பிரார்த்தனை:

வாழ்வில் வளம் பெற, நல்ல எண்ணங்கள் உண்டாக, சகல ஐஸ்வர்யங்கள் அருள, நோய்கள் குணமாக, திருமணம் வேண்டி, குழந்தை வரம் கிட்ட, கேட்டது கிடைக்க, தொழில் சிறக்க

நேர்த்திக்கடன்:

அபிஷேகம், அலங்காரம், சிறப்பு பூஜைகள், வஸ்திரம் சாத்துதல்

நல்ல எண்ணங்களை உண்டாக்கும் சென்னை புது பெருங்களத்தூர் பச்சைமலை முருகன் திருப்பாதங்கள் பணிவோம்!

வேலும் மயிலும் துணை!

திருச்சிற்றம்பலம்!

முருகாலய முரசு

Dr K. முத்துக்குமரன் Ph. D

9489302842

கோயம்புத்தூர் 25 🙏🏻🙏🏻

படம் 1 - 1085 வாழ்வில் வளமருளும் சென்னை புது பெருங்களத்தூர் பச்சைமலை முருகன்

படம் 2 - 1085 நல்ல எண்ணங்களை உண்டாக்கும் சென்னை புது பெருங்களத்தூர் பச்சைமலை முருகன்