கோவில் 874 - திருச்சி சிறுகனூர் பாலதண்டாயுதபாணி கோவில்

 🙏🏻🙏🏻 

தினம் ஒரு முருகன் ஆலயம்-874

நல்லன அருளும் திருச்சி சிறுகனூர் பாலதண்டாயுதபாணி கோவில்

30.10.2023 திங்கள்

அருள்மிகு பாலதண்டாயுதபாணி திருக்கோவில் [TM046722]

சிறுகனூர்-621105

திருச்சி மாவட்டம்

இருப்பிடம்: திருச்சி 31 கிமீ, சமயபுரம் 14 கிமீ

செல்: 80566 39442

மூலவர்: பாலதண்டாயுதபாணி

உற்சவர்: முருகப்பெருமான்

தலமகிமை:

திருச்சி மாவட்டம் திருச்சி மாநகரிலிருந்து 31 கிமீ தொலைவிலும், மக்களை காக்கும் மாரியம்மன் குடியிருக்கும் சமயபுரத்திலிருந்து 14 கிமீ தொலைவிலும் இருக்கும் சிறுகனூர் கிராமத்தில் நல்லன அருளும் பாலதண்டாயுதபாணி கோவில் அமைந்துள்ளது. பாலதண்டாயுதபாணி அருளாட்சி செய்யும் இக்கோவிலிலிருந்து சுமார் 4 கிமீ தூரத்தில் மிகவும் புகழ் பெற்ற திருப்பட்டூர் பிரம்மபுரீஸ்வரர் கோவில் இருப்பது தனி சிறப்பம்சமாகும்.

இத்திருக்கோவிலில் வருடந்தோறும் கந்த சஷ்டி திருவிழாவை தொடர்ந்து முருகப்பெருமான் திருக்கல்யாணம் வெகு விமரிசையாக நடைபெறும்.

தல வரலாறு:

பழமையான சிறுகனூர் பாலதண்டாயுதபாணி கோவில் திருப்பணிகளை இந்து அறநிலையத்துறை நிர்வகித்து வருகிறது.

தல அமைப்பு:

இக்கோவில் கருவறையில் முருகப்பெருமான் பாலதண்டாயுதபாணி என்ற திருப்பெயருடன் வேல் மற்றும் சேவற்கொடி ஏந்தி திருக்காட்சி அருளி பக்தர்களுக்கு ஆற்றலுடன் அருள்பாலிக்கின்றார். இந்த சிறிய கோவிலில் விநாயகர் தனி சந்நிதியில் வீற்றிருந்து அருள்பாலிக்கின்றார்.

திருவிழா:

கந்த சஷ்டி, திருக்கல்யாணம்

பிரார்த்தனை:

நல்லன நடைபெற, மன நிம்மதி பெற, வேண்டிய வரம் கிடைக்க, நேர்மறை ஆற்றல் உண்டாக

நேர்த்திக்கடன்:

அலங்காரம், அபிஷேகம், சிறப்பு பூஜைகள், வஸ்திரம் அணிவித்தல்

மன நிம்மதி தந்தருளும் திருச்சி சிறுகனூர் பாலதண்டாயுதபாணியை போற்றி வணங்கிடுவோம்!

வேலும் மயிலும் துணை!

திருச்சிற்றம்பலம்!

முருகாலய முரசு

Dr K. முத்துக்குமரன் Ph. D

கோயம்புத்தூர் 25

🙏🏻🙏🏻

படம் 1 - 874 நல்லன அருளும் திருச்சி சிறுகனூர் பாலதண்டாயுதபாணி

படம் 2 - 874 மன நிம்மதி தந்தருளும் திருச்சி சிறுகனூர் பாலதண்டாயுதபாணி