கோவில் 871 - தஞ்சாவூர் ஆடுதுறை சக்திவேல் முருகன் கோவில்
🙏🏻🙏🏻
தினம் ஒரு முருகன் ஆலயம்-871
வேண்டிய வரங்களை அள்ளி வழங்கும் தஞ்சாவூர் ஆடுதுறை சக்திவேல் முருகன் கோவில்
27.10.2023 வெள்ளி
அருள்மிகு சக்திவேல் முருகன் திருக்கோவில்
அம்மன் கோவில் தெரு
ஆடுதுறை-612101
திருவிடைமருதூர் வட்டம்
தஞ்சாவூர் மாவட்டம்
இருப்பிடம்: கும்பகோணம் 14 கிமீ
மூலவர்: சக்திவேல் முருகன்
உற்சவர்: சக்திவேல் முருகன்
தலமகிமை:
தஞ்சாவூர் மாவட்டம் திருவிடைமருதூர் வட்டம் கும்பகோணம்-மயிலாடுதுறை சாலையில் கும்பகோணத்திலிருந்து 14 கிமீ தொலைவில் உள்ள ஆடுதுறையி வேண்டிய வரங்களை அள்ளி வழங்கும் சக்திவேல் முருகன் கோவில் அமைந்துள்ளது. முருகப்பெருமான் சக்திவேல் முருகனாக ஆட்சி செய்யும் இத்திருத்தலம் மயிலாடுதுறையிலிருந்து 23 கிமீ தோலைவில் உள்ளது.
இக்கோவிலில் வைகாசி விசாகம் திருவிழா 54 ஆண்டுகளாக வெகு விமரிசையாக நடைபெறுகின்றது. விக்னேஸ்வர பூஜையுடன் வைகாசி விசாகம் திருவிழா தொடங்குகிறது. பக்தர்கள் தங்கள் நேர்த்திக்கடனாக பால்குடம், பால் காவடி, அலகு காவடி சுமந்து வருவர். காவடி உற்சவம் இக்கோவிலின் சிறப்பம்சமாகும். தொடர்ந்து அபிஷேகம், அலங்காரம், சிற்ப்பு தீபாரதனைகள் நடைபெறுகின்றன. திருக்கார்த்திகை திருவிழா மிகவும் சிறப்பாக நடைபெறும். மற்ற திருவிழாக்களும் சிறப்பாகக் கொண்டாடப்படுகின்றன.
தல வரலாறு:
உள்ளூர் புரவலர்கள் மற்றும் பக்தர்களால் சுமார் 60 ஆண்டுகளுக்கு முன்னர் இந்தக் கோவில் எழுப்பப்பட்டு, நிர்வகிக்கபடுகிறது.
தல அமைப்பு:
எளிதாக ஏறக்கூடிய படிக்கட்டுகளுடன் கூடிய இக்கோவில் கருவறையில் மூலவராக சக்திவேல் முருகன் மயிலுடன் வீற்றிருந்து பக்தர்களுக்கு அருள்பாலிக்கின்றார். அருகில் விநாயகர் வீற்றிருந்து அருள்கின்றார்.
திருவிழா:
வைகாசி விசாகம், தைப்பூசம், பங்குனி உத்திரம், கந்த சஷ்டி, திருக்கார்த்திகை, கிருத்திகை, சஷ்டி, செவ்வாய், வெள்ளி
பிரார்த்தனை:
வேண்டிய வரங்கள் நிறைவேற, செல்வம் பெருக, குழந்தை வேண்டி. திருமணம் நடைபெற, பிரச்சினைகள் அகல, மன அமைதி பெற
நேர்த்திக்கடன்:
பால்குடம், பால் காவடி, அலகு காவடி, அலங்காரம், அபிஷேகம், சிறப்பு பூஜைகள், வஸ்திரம் அணிவித்தல்
பிரச்சினைகள் அகல அருளும் தஞ்சாவூர் ஆடுதுறை சக்திவேல் முருகனை மனமுருகி தொழுவோம்!
வேலும் மயிலும் துணை!
திருச்சிற்றம்பலம்!
முருகாலய முரசு
Dr K. முத்துக்குமரன் Ph. D
கோயம்புத்தூர் 25
🙏🏻🙏🏻
Comments
Post a Comment