கோவில் 629 - மொரீசியஸ் (Mauritius) பெல் ஏர் (Bel Air Riviere Seche) சிவசுப்ரமணியர் கோவில்

 🙏🏻🙏🏻                                                                                                                                                தினம் ஒரு முருகன் ஆலயம்-629

கேட்டதை வழங்கும் மொரீசியஸ் (Mauritius) பெல் ஏர் (Bel Air Riviere Seche) சிவசுப்ரமணியர் கோவில்

27.2.2023 திங்கள்

அருள்மிகு சிவசுப்ரமணியர் திருக்கோவில்

பெல் ஏர் (Bel Air Riviere Seche/Bel Air) – B27

ஃப்லாக் மாவட்டம் (Flacq District)

மொரீசியஸ் (Mauritius)

இருப்பிடம்: தலைநகர் போர்ட் லுயீஸ் (Port Louis) 28 கிமீ, ஃப்லாக் 12 கிமீ

மூலவர்: சிவசுப்ரமணியர்

தலமகிமை:

மொரீசியஸ் தலைநகர் போர்ட் லுயீஸிலிருந்து 28 கிமீ தொலைவிலும், ஃப்லாக் மாவட்டம் தலைநகர் ஃப்லாக்கிலிருந்து 12 கிமீ தொலைவிலும் உள்ள பெல் ஏர் கிராமத்தில் சிவசுப்ரமணியர் கோவில் அமைந்துள்ளது. தென்னிந்திய கட்டிடக் கலை அமைப்பில் இக்கோவில் அமைந்துள்ளது, இக்கோவிலில் மூலவராக சிவசுப்ரமணியர் அருள்பாலிக்கின்றார். மேலும் விநாயகர், சிவபெருமான், அம்பாள், கோவிந்தன் முதலான தெய்வங்களும் அருளுவதும் சிறப்பம்சம்.

பங்குனி உத்திரத் திருவிழா, தைப்பூசத் திருவிழா இரண்டும் மிகவும் விமரிசையாகக் கொண்டாடப்படுகிறன. தமிழர்கள் மட்டுமல்லாமல் இதர தென்னிந்திய பக்தர்கள் காவடி, பால்குடம் சுமந்து வருதல் மிகவும் விசேஷ அம்சமாகும். மேலும் அபிஷேகம், பூஜைகள், சுவாமி உலா வருதல் ஏராளமான பக்தர்கள் பங்களிப்புடன் நடைபெறுகிறது. ஆடி மாதம் அம்பாளுக்கு தீமிதி திருவிழா வெகு அர்ப்பணிப்புடன் நடக்கிறது. புரட்டாசியில் கோவிந்தன் திருவிழா விசேஷமாக நடத்தப்படுகிறது. பிரதோஷம் மிகவும் பிரசித்தம்.

தல வரலாறு:

தென்னிந்திய சைவ சமயத்தவரால் 1.11.2009 முதல் கோவில் எழுப்பப்பட்டு அனைத்து விழாக்களும் கொண்டாடப்படுகின்றன.

தல அமைப்பு:

இத்திருத்தல கோவில் கருவறையில் மூலவராக சிவசுப்ரமணியர் கையில் வேல், சேவற் கொடி தாங்கி, இடக்கையை இடுப்பில் ஒயிலாக வைத்து நின்ற கோலத்தில் பக்தர்களுக்கு காட்சி தந்து அருள்பாலிக்கின்றார். மேலும் விநாயகப்பெருமான், சிவபெருமான், அம்பாள், கோவிந்தன் (பெருமாள்). நந்தியம் பெருமான், சண்டிகேஸ்வரர் முதலான தெய்வங்கள் அருள்பாலிக்கின்றனர்.

மாரியம்மன்

திருவிழா:

பங்குனி உத்திரம், தைப்பூசம், ஆடி தீமிதி விழா, கோவிந்தன் திருவிழா, பிரதோஷம்

பிரார்த்தனை:

கேட்டது கிடைக்க, நல்ல எண்ணம் ஏற்பட, வினைகள் அகல, வாழ்வு மேம்பட

நேர்த்திக்கடன்:

பால்குடம், காவடி எடுத்தல், தீமிதித்தல், அபிஷேகம், அலங்காரம், சிறப்பு பூஜைகள், அன்னதானம்

வாழ்வு மேம்பட மொரீசியஸ் (Mauritius) பெல் ஏர் (Bel Air Riviere Seche) சிவசுப்ரமணியரை தாள் பணிந்து தொழுதிடுவோம்!

வேலும் மயிலும் துணை!

திருச்சிற்றம்பலம்

Dr K. முத்துக்குமரன் Ph. D

கோயம்புத்தூர் 25

🙏🏻🙏🏻

படம் 1 - 629 கேட்டதை வழங்கும் மொரீசியஸ் (Mauritius) பெல் ஏர் (Bel Air Riviere Seche) சிவசுப்ரமணியர்

படம் 2 - 629 வாழ்வு மேம்பட மொரீசியஸ் (Mauritius) பெல் ஏர் (Bel Air Riviere Seche) சிவசுப்ரமணியர்