கோவில் 565 - கள்ளக்குறிச்சி மாவட்டம். S. குளத்தூர் 81 அடி ஆறுமுகப் பெருமான் சர்வ சத்ரு சம்ஹார பீடம் கோவில்

 🙏🙏

தினம் ஒரு முருகன் ஆலயம்-565

சத்ரு தோஷங்கள் நீக்கும் கள்ளக்குறிச்சி மாவட்டம். S. குளத்தூர் 81 அடி ஆறுமுகப் பெருமான் சர்வ சத்ரு சம்ஹார பீடம் கோவில்

25.12.2022 ஞாயிறு

அருள்மிகு ஆறுமுகப் பெருமான் சர்வ சத்ரு சம்ஹார பீடம்.திருக்கோவில்

S. குளத்தூர்-606402

சரவணபுரம்

சங்கராபுரம் வட்டம்

கள்ளக்குறிச்சி மாவட்டம்

இருப்பிடம்: சங்கராபுரம் 6 கிமீ

தொடர்பு: ஸ்ரீ ஆறுமுக அடிகளார் விடியல் சின்னத்தம்பி சுவாமிகள்

செல்: 9443398068, 9080619883

மூலவர்: 81 அடி ஆறுமுகப் பெருமான் 

தலவிருட்சம்: அத்திமரம் 

தலமகிமை:

கள்ளக்குறிச்சி மாவட்;டம் சங்கராபுரத்தில் இருந்து திருக்கோவிலூர், திருவண்ணாமலை கூட்டு சாலையில் (சு.குளத்தூர்) சரவணபுரத்தில்  81 அடி விஸ்வரூப ஆறுமுகப் பெருமான் சர்வ சத்ரு சம்ஹார பீடத்திலிருந்து அருள்பாலிக்கின்றார். இவரை வணங்கினால் சகல விதமான சத்துருக்கள் தோஷம் நீங்கும் என்பது பக்தர்களின் தீராத நம்பிக்கை. முருகப்பெருமான் ஆறு முகங்கள் 12 கரங்களுடன் மயிலல் வாகனத்தையும், தண்டாயுதத்தையும் சேவல் கொடியும் ஏந்தி கருணை வள்ளலாக அவதாரம் செய்து,  கண்கண்ட தெய்வமாகி, பக்தர்களின் துன்பத்தை வேல் கொண்டு போக்கி அருள்பாலிக்கின்றார்.

இந்த பீடம் சர்வ சத்துரு சம்ஹார பரிகார தலமாகும். - ஒவ்வொரு மாத கிருத்திகை தோறும் சர்வ தோஷ நிவர்த்தி வேள்வி பக்தர்களுக்காக பக்தர்களே நடத்தும் சிறப்பு வேள்வி நடைபெறுகிறது. அன்று இரவு சூட்சம வடிவத்தில் பல சித்தர்கள் பீடத்தை வலம் வருகிறார்கள். அப்போது பலவகையான மூலிகைகளின் ரம்மியமான வாசனைகளை பக்தர்கள் உணர்கிறார்கள். இந்த வேள்வியில் கலந்துகொண்டு சகலவிதமான சத்துருகள், சங்கடங்கள், திருமணத்தடை, குழந்தைப்பேறு வேண்டி, வியாபாரத்தில் நஷ்டம், குடும்பப் பிரச்சினைகள், கணவன் மனைவி ஒற்றுமையின்மை, பித்ரு தோஷம், சர்வ தோஷம் நீங்கி அனைத்து விதமான நன்மைகளும், பலன்களும் கிடைத்து தொழிலில் ஏற்றம், புதிய வீடு, வாகனம், கல்வி கேள்விகளில் தேர்ச்சி போன்ற நற்பலன் கிடைக்கும். ஆறு கிருத்திகை அல்லது ஆறு சஷ்டி அல்லது ஆறு செவ்வாய்க்கிழமை தொடர்ந்து தரிசனம் செய்தால் எண்ணிய எண்ணங்கள் ஈடேறும் என்பது ஜதீகம்.

தல வரலாறு:

முருகப்பெருமான் அருளால் ஸ்ரீ ஆறுமுக அடிகளார் விடியல் சின்னத்தம்பி சுவாமிகள் அவர்களால் 81 அடி ஆறுமுகப் பெருமான் சர்வ சத்ரு சம்ஹார பீடம் 

தல அமைப்பு:

ஆலயத்தின் நுழைவாயிலில், நுழைந்தவுடன் ஆன்மீக அதிர்வலைகள் நம் மனதில் தானாக எழும்புகிறது. நுழைவு வாயிலைக் கடந்து இடது புறத்தில் 16 அடி உயரமுள்ள லிங்க வடிவிலான பீடம். அதனடியில் லிங்கேஸ்வர கணபதி நம் கவலையைப்போக்கி அருள்பாலிக்கிறார். இவரை வலம் வருகிறபோது வாழ்க்கை சிறக்க குரு தட்சிணாமூர்த்தி அருள்கிறார். அடுத்து வானளாவிய விஸ்வரூப 81 அடி ஆறுமுகப் பெருமான் ஆறுமுகங்கள் 12 திருக்கரங்களுடன் பக்தர்களைக் காத்து ஆறு திசைகளிலும் தன் அருட்பார்வையை நமக்கு அளிக்கின்றார். மனம் உருகி வேண்டினால் வினை நீக்கி, சத்ரு பிரச்சினைகளைப் போக்கி சந்தோஷம் அளிக்கிறார். 81 அடி உயரத்திலிருந்து அபிஷேகம் தீர்த்தம் நம் சிரசு மீது கொட்டும் போது பாவம் தொலையும் புண்ணியம் கிடைக்கும்.

கருவறையில் வேதபாராயணங்கள் சரவணபவ மூல மந்திரங்களால் உருவேற்றப்பட்ட பீடத்தில் 6 அடி உயர சக்திவாய்ந்த ஆறுமுகப் பெருமான் வேலோடும், சேவல் கொடியோடும் காட்சியளித்து கருணை பொழிகிறார். கருவறையில், முருக உபாசகரும், ஸ்தாபகருமான ஆறுமுக அடிகளார் விடியல் சின்னத்தம்பி ஸ்வாமிகளே தனது திருக்கரங்களால் அபிஷேகம் ஆராதனை நித்திய பூஜை செய்கின்றார்.

மலைபோல் தோற்றமுள்ள குகைக்குள் 102 அடி வலம் வருகிறது போது 16 செல்வங்களை வழங்கும் வகையில் 16 வகை அவதார முருகப்பெருமானை காணலாம். மேலும் வராகி அம்மன், பிரித்தியங்கிரா தேவி,, சர்வேஸ்வரர்,  பூவராகவர், வீர ஆஞ்சநேயர், ஐயப்பன், பைரவர், குருலிங்கம், இடும்பன், கடம்பன், அருள்சக்தி அம்மன், விஷ்ணு துர்க்கை, தம்பதிகளோடு நவக்கிரக பீடம், அருள்ஜோதி வள்ளலார், அர்த்தநாரீஸ்வரர் ஆகிய தெய்வங்கள் தனித்தனி சந்நிதிகளில் அருள்பாலிக்கின்றனர்.

திருவிழா:

பங்குனி உத்தரம், தைப்பூசம், வைகாசி விசாகம், ஆடிக்கிருத்திகை, கிருத்திகை, சஷ்டி, செவ்வாய்

பிரார்த்தனை:

சத்ரு தோஷங்கள் நீங்க, சங்கடங்கள், திருமணத்தடை அகல, குழந்தைப்பேறு வேண்டி, வியாபாரத்தில் நஷ்டம் தீர, குடும்பப் பிரச்சினைகள் தீர, கணவன் மனைவி ஒற்றுமை ஓங்க, பித்ரு தோஷம், சர்வ தோஷம் நீங்க, தொழிலில் ஏற்றம், புதிய வீடு, வாகனம், கல்வி கேள்வி மேம்பட 

நேர்த்திக்கடன்: 

காவடி, அபிஷேகம், அலங்காரம், சிறப்பு பூஜைகள், வஸ்திரம் சாத்துதல், அன்னதானம்

குடும்பப் பிரச்சினைகள் தீர அருளும் கள்ளக்குறிச்சி மாவட்டம். S. குளத்தூர் ஆறுமுகப்பெருமானை கும்பிட்டு பலன்பெறுவோம்! 

வேலும் மயிலும் துணை! 

திருச்சிற்றம்பலம்

Dr K. முத்துக்குமரன் Ph. D

கோயம்புத்தூர் 25

🙏🙏

படம் 1 - 565 சத்ரு தோஷங்கள் நீக்கும் கள்ளக்குறிச்சி மாவட்டம் S. குளத்தூர் ஆறுமுகப் பெருமான்

படம் 2 - 565 குடும்ப பிரச்சினைகள்  தீர அருளும் கள்ளக்குறிச்சி மாவட்டம் S. குளத்தூர் ஆறுமுகப் பெருமான்