கோவில் 1145 - இலங்கை ஏழாலை அத்தியடி முருகமூர்த்தி கோவில்

 🙏🙏

தினம் ஒரு முருகன் ஆலயம்-1145

துன்பங்கள் நீக்கும் இலங்கை ஏழாலை அத்தியடி முருகமூர்த்தி கோவில்

27.7.2024 சனி

அருள்மிகு ஏழாலை அத்தியடி முருகமூர்த்தி கோவில்

ஏழாலை [ஏழு ஆலயங்கள்] [Earlalai]

யாழ்ப்பாணம் மாவட்டம் (Jaffina)

வடக்கு மாகாணம் (Northern Province)

இலங்கை

இருப்பிடம்: யாழ்ப்பாணம் 14 கிமீ, கொக்குவில் 11 கிமீ, உடுவில் 6 கிமீ,

மூலவர்: முருகமூர்த்தி [சிவசுப்பிரமணிய சுவாமி]

தேவியர்: வள்ளி, தெய்வானை

உற்சவர்: முருகமூர்த்தி வள்ளி, தெய்வானை

தல மகிமை:

இலங்கை வடக்கு மாகாணம் யாழ்ப்பாணம் மாவட்டத்தில் யாழ்ப்பாணம் நகரிலிருந்து காங்கேசந்துறை வீதியில் 14 கிமீ தொலைவில் உள்ள ஏழாலை கிராமத்தில் துன்பங்கள் நீக்கும் அத்தியடி முருகமூர்த்தி கோவில் அமைந்துள்ளது. கொக்குவில்லிலிருந்து 14 கிமீ தொலைவு அல்லது உடுவில் கிராமத்திலிருந்து 6 கிமீ பிரயாணம் செய்தாலும் ஏழாலை அத்தியடி முருகமூர்த்தி கோவிலை அடையலாம். இத்திருக்கோவிலில் மூலவராக முருகமூர்த்தி [சிவசுப்பிரமணிய சுவாமி] வள்ளி, தெய்வானை சமேதராக அருள்புரிகின்றார்.

இத்திருக்கோவிலில் சித்திரை மாத பிறப்பு முதல் 10 நாட்கள் சித்திரை மஹோற்சவம் திருவிழாவாகக் நடைபெறுகின்றது. முதல் நாள் திருவிழா கொடியேற்றத்துடன் தொடங்குகிறது. தினசரி சிறப்பு பூஜைகள் நடக்கின்ரன. 5-ம் நாள் மாம்பலத் திருவிழா, 6-ம் நாள் திருப்புகழ் உற்சவம், 7-ம் நாள் பூந்தண்டிகை உற்சவம், 8-ம் நாள் சுவாமி சப்பர திருஉலா, 9-ம் நாள் தேரோட்டம், 10-ம் நாள் தீர்த்த உற்சவம் என விமரிசையாக சிறப்பாக நடைபெறுகின்றன. மேலும் ஒவ்வொரு ஆண்டும் கந்த சஷ்டி பெருவிழா விமரிசையாக நடைபெறுகிறது. தினமும் இரு வேளை சிறப்பு பூஜைகள், மாலயில் சுவாமி வீதி உலா என்று சிறப்புற நடக்கின்றன. 6-ம் நாள் மாலை சூரசம்ஹாரம் நிகழ்வு சிறப்பாக நடக்கிறது. 7-ம் சுவாமி திருக்கல்யாணம், சுவாமி தேவியருடன் திருஉலா மற்றும் அன்னதானம் ந்டைபெறுகின்றன. முருகப்பெருமானின் ஏனைய திருவிழாக்களும் விசேஷ பூஜகளுடன் நடைபெறுகின்றன.

தல வரலாறு:

யாழ்ப்பாணம் மாவட்டதில் அமைந்துள்ள இந்த ஊரில் பிரசித்தி பெற்ற ஏழு ஆலயங்கள் உள்ளதால், இவ்வூர் ஏழாலை என்றழைக்கப்படுகிறது. அவற்றுள் அத்தியடி முருகமூர்த்தி கோவில் மிகவும் பிரசித்தி பெற்ற கோவிலாகும்.

தல அமைப்பு:

அத்தியடி முருகமூர்த்தி கோவிலுக்கு அடுத்தடுத்து விநாயகர், புவேனேஸ்வரி அம்மன் மற்றும் சிவன் கோவில்கள் இருப்பது சிறப்பம்சாமகும். கருவறையில் மூலவராக முருகமூர்த்தி [சிவசுப்பிரமணிய சுவாமி] வீற்றிருந்து வள்ளி, தெய்வானையுடன் திருக்காட்சி அருளி பக்தர்களுக்கு அருள்பாலிக்கின்றார். மேலும் இக்கோவிலில் விநாயகர், பைரவர், நவக்கிரகங்கள் உள்ளிட்ட அனைத்து தெய்வங்களும் வீற்றிருந்து அருள்பாலிக்கின்றனர்.

திருவிழா:

சித்திரை மஹோற்சவம் (10 நாள்), கந்த சஷ்டி, பங்குனி உத்திரம், தைப்பூசம், வைகாசி விசாகம், கார்த்திகை, சஷ்டி

பிரார்த்தனை:

துன்பங்கள் நீங்க, ஐஸ்வர்யம் பெருகிட, வினைகள் அகல, எண்ணியது ஈடேற, குடும்ப வாழ்வு சிறக்க, ஆரோக்கியம் வேண்டி, நல்லன நடக்க

நேர்த்திக்கடன்:

அபிஷேகம், அலங்காரம், சிறப்பு பூஜைகள், வஸ்திரம் சாத்துதல், அன்னதானம்

ஐஸ்வர்யம் பெருகிட அருளும் இலங்கை ஏழாலை அத்தியடி முருகமூர்த்தி திருவடிகள் பணிந்து தொழுதிடுவோம்!

வேலும் மயிலும் துணை!

திருச்சிற்றம்பலம்!

முருகாலய முரசு

Dr K. முத்துக்குமரன் Ph. D

9489302842

கோயம்புத்தூர் 25

🙏🙏

படம் 1 - 1145 இலங்கை ஏழாலை அத்தியடி முருகமூர்த்தி கோவில் கந்த சஷ்டி சூரசம்ஹார நிகழ்வில் உற்சவர் முருகமூர்த்தி

படம் 2 - 1145 ஐஸ்வர்யம் பெருகிட அருளும் இலங்கை ஏழாலை அத்தியடி முருகமூர்த்தி கோவில்